"أخيـــــــــــــرا أتجـــــرأت وأتغيــــــــرت "

أخباركم أيه ؟؟

وأخبار شارعكم أيه ؟؟

ومصر عندك عاملة أيه ؟
حاسس بأيه ؟؟

وكنت حاسس بأيه ؟!

قبل الثورة وبعد الثورة ؟؟

عايزة أبتتدى معاكم المناقشه عن الثورة عاما

يعنى أنا كنت بقول قبل الثورة

مبقتش طايقة أسمع عنك حاجة

حتى أسمك

أنتى لا عظيمة ولا حاجة

أنتى يدوبك حاجة

الناس مقهروين فيكى

وانتى عاملة نفسك مش سامعه حاجة

مش فالحه غير بس تقولى عن نفسك كام حاجة وحاجة

حفظت خلاص كلامك

بلد الأمن والسلام والسياح حجاجك

كرهتك من الظلم وقهرك

قولت يمكن تحس وتحن

ولسه أنتى زى ما أنتى والقلب مش بيعرف يحن

بكتبلك شعر وامدح فيكى

تهزى رأسك وكأنك سماعنى

وأنتى عاملة زى الزمبلك بيويو وعجل

مطرح مايحطوحكى تمشى

والعيل الصغير حواليكى ينط

والكبير يضحك ويقول أهو ملهى بلعبه بعجل

بعد الثورة قولت

سعروا حلمى نسونى يعنى أية ذاتى

يعنى ليه عايش؟! وأقول هوا أيه الجديد؟!

وأهوا كلوا ماشى خلونى أنسان عايش علشان بس عايش أتقتل فيا حلم أنى أكون أنسان جديد

وبقول هوا أيه الجديد؟!

وأهوا كلوا ماشى ____ حتى أنتى يا بلدى خلوكى كلمة فى أغنيه

ونهتف بيكى فى متش فى دورى القارة الأفريقيه

____أزاى حتى أحبك؟! أبنى فيكى أزاى؟! وأعمر!

وبقى حالى أمشى ورا موجه وورا موجه من غير ما أسأل فين شطى

تايه فيكى ومرساى أنتى وأذا كنت سفينة فيكى غرقى سفينتى

بس متزعليش منى يوم لو يوم معرفتش اعبر أزاى عن حبى!

____ غيرانه من اللى فى يوم سبقونى فى الشهادة علشان بس أسمك

وهتفوا بأنى أفداكى بروحى يا مصر____

وغيرانة من اللى أتسابق علشان يبقى

أبن وفى لأجلك

هتسمحينى يا غاليه ____متقوليش ردك دلوقتى ___

ردى عليا لما أستاهل أخد لقب أنى من أوفيائك

بقى عندى أحساس أنى مصر دى بنتى

كأنها لسه مولود جديد

وأحنا عيلتها نكبر ونحافظ عليها

يعنى لما تقع نجرى عليها نحاوطها

ولما تمشى نسقف لها ونقولها تاتا

أعاقبها لما تغلط"وعقابى ليها بتمردى عن سكوتى "

أحنا نكبر ويجى غيرنا يتولى أمر تربيتها

مصر مش بتشيخ

هتفضل فى نظرى المولود الجديد اللى دايما محتاج منا رعايه

وبقول بعلو صوت

"أخيـــــــــــــرا أتجـــــرأت وأتغيــــــــرت

دة كان أحساسى قبل الثورة وبعدها
ياترى أيه أحساسك ؟!